ညီမလေးကိုလည်း လှစေချင်
ကမ္ဘာကြီးကိုလည်းလှစေချင်
ညီမလေးကို လှစေချင်လွန်းလို့
အကောင်းဆုံး အလှပြင်ဆိုင်ကို လိုက်ပို့ပေးမယ်
အလှဆုံး ဆံပင် ပုံစံလည်း ပြင်လို့ရတယ်
မျက်လုံးမျက်ခုံး မျက်တောင် နူတ်ခမ်း သွား
အသားအရေ လက်သည်း ခြေသည်း
ညီမလေး တစ်ကိုယ်လုံးကို
ပြစ်မိူးမှဲ့မထင် လှအောင် ပြင်လို့ရတယ်
အတော်ဆုံး ဖက်ရှင်ဒီဇိုင်နာ ထွင်ထားတဲ့
အလှဆုံးဝတ်စုံ အသင့်ရှိတယ်
အဖိုးတန်ဆုံး လက်ဝတ်ရတနာတွေဆင်မြန်းပေးမယ်
ညီမလေးကို လှစေချင်သလို
ကမ္ဘာကြီးကိုလည်း လှစေချင်ပါတယ်
ကမ္ဘာကြီးကို အလှပြင်ဖို့
အလှပြင်ဆိုင်က ဘယ်မှာလဲ
ပါရီမှာလား ကိုပင်ဟေပင်မှာလား ဒူဘိုင်းမှာလား
ဘယ်မှာမှ မရှိဘူး
ငါတို့ရဲ့ အသိဥာဏ်ပညာမှာ
ငါတို့ရဲ့ စိတ်ကောင်းစေတနာမှာပဲရှိတယ်
စစ်နဲ့ သဘာဝဘေးအန္တရာယ်တွေနဲ့
ရောဂါဘယတွေနဲ့ ဆင်းရဲချမ်းသား ကွာဟမူတွေနဲ့
ကမ္ဘာကြီးခမျာ အကျည်းတန်လှပြီ
ကမ္ဘာကြီးကို အလှမွေးငါးတစ်ကောင်လို လှစေချင်တယ်
တောနဲ့ တောင်နဲ့ ကောင်းကင်နဲ့ ပင်လယ်နဲ့
နေရောင် လရောင် ကြယ်ရောင်တွေနဲ့
ရေတံခွန်နဲ့ သက်တံနဲ့
ကျေးငုက်ကလေးတွေရဲ့ ချစ်စဖွယ် ဂီတသံနဲ့
သန့်စင်တဲ့ လေထုနဲ့
ရေကောင်းရေသန့်တွေနဲ့
ပန်းရနံတွေ သင်းပျံ့လို့
ငါတို့ရဲ့ သားသမီး မြေးမြစ်တွေ ခောတ်အထိ
ကမ္ဘာကြီးကို အလှမပျက်ဘဲ ရှိစေချင်တယ်
ငါတို့ရဲ့ တိုင်းပြည်နဲ့ လူမိူးကို လှစေချင်တယ်
တိုင်းရင်းသား ညီအစ်ကို မောင်နှမများကို လှစေချင်တယ်
ဧရာဝတီမြစ်ကြီးကို လှစေချင်တယ်
ညီမလေးကိုလည်း လှစေချင်တယ်
ကမ္ဘာကြီးကိုလည်း လှစေချင်တယ်။ ။
No comments:
Post a Comment